Европски ознаки за квалитет

Наставничките Љубица Ружинска, Милена Игњатова и Соња Геговска за своите 4 проекти на еТвининг платформата обезбедија уникатно признание – Европска ознака за квалитет. Ова значи дека работата на наставничките, нивните ученици и училиштето во кое што работат, е препознаена и наградена со највисоко европско ниво. Воедно нивните проекти ќе бидат претставени на посебно одредено место на европскиот портал – еТвининг.

Национални ознаки за квалитет

Шест еТвининг проекти: „Обележување на 1ви Април – Денот на шегата“, „Славимо пролече“, „EFL friends”, „Your digital life“, „Celebrating European Day 9th of May with a postcard exchange and an eTwinning Eurovison“, „Let’s celebrate Easter together“ добија Национални ознаки за квалитет.

Презентација и промоција на еТвининг проектите

На ден 26.05.2016 година во аулата на ООУ”Лазо Ангеловски” се одржа промоција на активностите на наставниците–членови на eTwinning платформата. Беа претставени 8 паноа со изработки и активности на учениците и наставниците од училиштето.Секое пано претставуваше остров со богатство. Преку понудените мапи присутните родители, колеги од нашето и други училишта и претставници од општината Аеродром и Националната агенција за европски образовни програми и мобилност ги откриваа искористените богатства на оваа платформа. Започнувајќи со националните и интернационалните проекти, соработката со партнерите од Европа, групите на платформата па се до професионалниот развој на наставниците ја направивме оваа промоција вредна за постета што го покажаа и резултатите од спроведената on line анкета. Воедно на оваа промоција беа поделени сертификати на учениците за нивното учество во проектите.